Kryetari i BDI-së, Ali Ahmeti, mori pjesë sonte në pritjen e organizuar me rastin e Ditës Kombëtare të Zvicrës, me ftesë të Ambasadorit të Zvicrës në Maqedoninë e Veriut, Sh.T.Z. Christoph Sommer.
Gjatë aktivitetit, Ahmeti vlerësoi marrëdhëniet miqësore dhe bashkëpunimin ndërmjet Zvicrës dhe Maqedonisë së Veriut, duke theksuar kontributin e rëndësishëm të Zvicrës ndër vite në zhvillimin demokratik, ekonomik dhe institucional të vendit.
Ahmeti nënvizoi gjithashtu rëndësinë e diasporës nga Maqedonia e Veriut që jeton në Zvicër, duke e cilësuar atë si një urë të fuqishme lidhëse ndërmjet dy vendeve dhe popujve.
Me rastin e Ditës Kombëtare të Zvicrës, Ahmeti përcolli urimet e tij për popullin dhe institucionet zvicerane, duke shprehur dëshirën që miqësia dhe bashkëpunimi ndërmjet dy vendeve të vazhdojnë të thellohen, mbi bazën e vlerave të përbashkëta, respektit dhe mirëkuptimit reciprok.
Ja postimi plotë:
Sonte kisha kënaqësinë të marr pjesë në pritjen e organizuar me rastin e Ditës Kombëtare të Zvicrës, me ftesë të Ambasadorit të Zvicrës, Sh.T.Z. Christoph Sommer.
Zvicra është një vend mik dhe partner i rëndësishëm i Maqedonisë së Veriut, me një kontribut të çmuar ndër vite në zhvillimin demokratik, ekonomik dhe institucional të vendit tonë. Njëkohësisht, ajo është shtëpi e dytë për një pjesë të madhe të diasporës sonë, e që përbën një urë të fuqishme lidhëse mes dy vendeve dhe popujve tanë.
Me këtë rast, përcolla urimet e mia më të sinqerta për popullin dhe institucionet zvicerane me rastin e Ditës Kombëtare, me uratën që miqësia dhe bashkëpunimi mes vendeve tona të vazhdojnë të thellohen, të mbështetura në vlerat e përbashkëta, respektin dhe mirëkuptimin reciprok.
