Kryetari i Bashkimit Demokratik për Integrim, Ali Ahmeti, në 25-vjetorin e rënies heroike të dëshmorit të kombit, Rahim Beqiri – Komandant Roki, ka përkujtuar me nderim veprën dhe sakrificën e tij për liri.
“Kanë kaluar 25 vjet nga rënia heroike e Komandant Rokit, por vepra, guximi dhe amaneti i tij mbeten të gjalla në kujtesën tonë kolektive. Sakrifica e tij dhe e të gjithë dëshmorëve të kombit është themel i lirisë, dinjitetit dhe të arriturave tona, si dhe obligim për çdo brez që t’i ruajë dhe t’i forcojë këto vlera”, theksoi Ahmeti.
Ai shprehu respektin dhe mirënjohjen e thellë për Komandant Rokin dhe të gjithë dëshmorët e kombit, duke nënvizuar se kujtimi për ta do të mbetet i përhershëm.
“Lavdi e përjetshme Rahim Beqirit – Komandant Rokit dhe të gjithë dëshmorëve të kombit”, përfundon mesazhi i kryetarit Ali Ahmeti.
Ja postimi plotë:
Sot shënojmë 25 vjetorin e rënies heroike të dëshmorit të kombit, Rahim Beqiri – Komandant Roki. Zemra e tij pushoi së rrahuri më 2 gusht 2001, por sakrifica dhe amaneti i tij për liri, barazi e dinjitet mbeten të gjalla dhe janë obligim për çdo brez.
Me nderim përulemi para veprës së Komandant Rokit dhe të gjithë dëshmorëve të kombit, të cilët me flijimin e tyre hodhën themelet e të arriturave tona.
Lavdi e përjetshme Komandant Rokit dhe të gjithë dëshmorëve të kombit!
