Sot, Drejtori Goce Dimovski pati nderin të mbajë një ligjëratë me temë “Attracting FDI Strategically – The Case of North Macedonia”, në kuadër të Kursit të 53-të Rajonal, të organizuar nga Fakulteti Ekonomik – Shkup pranë Universitetit “Shën Kirili dhe Metodi” (UKIM), në bashkëpunim me UNCTAD, kushtuar aspekteve kryesore të agjendës ekonomike ndërkombëtare për vendet e Evropës Lindore.
Gjatë prezantimit, Drejtori Dimovski ndau përvojën e deritanishme të Maqedonisë së Veriut në tërheqjen e investimeve të huaja direkte, rolin e Drejtorisë për Zonat Zhvillimore Teknologjike Industriale (DZHTI) në krijimin e një mjedisi konkurrues dhe të parashikueshëm për biznesin, si dhe mekanizmat e mbështetjes institucionale që u ofrohen investitorëve në të gjitha fazat e realizimit të projekteve të tyre.
Vëmendje e veçantë iu kushtua trendeve bashkëkohore të flukseve globale të investimeve, sfidave që sjellin ndryshimet gjeopolitike dhe ekonomike, si dhe nevojës për politika të qëndrueshme që nxisin investime me vlerë të shtuar më të lartë, teknologji të avancuara dhe vende pune cilësore.
Ligjërata u pasua nga një diskutim konstruktiv me pjesëmarrësit, gjatë të cilit u shkëmbyen përvoja dhe qëndrime mbi politikat për tërheqjen e investimeve, rolin e institucioneve në përmirësimin e klimës së biznesit dhe mundësitë për forcimin e bashkëpunimit rajonal në funksion të zhvillimit ekonomik.
Me këtë ligjëratë u theksua edhe një herë rëndësia e shkëmbimit të përvojave dhe praktikave më të mira në fushën e tërheqjes së investimeve të huaja direkte, si dhe forcimi i bashkëpunimit me komunitetin akademik dhe organizatat ndërkombëtare. Ngjarje të tilla përbëjnë një mundësi të rëndësishme për shkëmbimin e njohurive dhe kontribuojnë në avancimin e bashkëpunimit rajonal dhe hartimin e politikave që nxisin zhvillim të qëndrueshëm ekonomik.
Ja postimi plotë:
Sot pata nderin të mbaj një ligjëratë me temë “Attracting FDI Strategically – The Case of North Macedonia”, në kuadër të Kursit të 53-të Rajonal, të organizuar nga Fakulteti Ekonomik – Shkup, pranë Universitetit “Shën Kirili dhe Metodi” (UKIM), në bashkëpunim me UNCTAD, kushtuar aspekteve kryesore të agjendës ekonomike ndërkombëtare për vendet e Evropës Lindore.
Gjatë prezantimit, ndava përvojën e deritanishme të Maqedonisë së Veriut në tërheqjen e investimeve të huaja direkte, rolin e Drejtorisë për Zonat Zhvillimore Teknologjike Industriale (DZHTI) në krijimin e një mjedisi konkurrues dhe të parashikueshëm për biznesin, si dhe mekanizmat e mbështetjes institucionale që u ofrohen investitorëve në të gjitha fazat e realizimit të projekteve të tyre.
Vëmendje e veçantë iu kushtua trendeve bashkëkohore të flukseve globale të investimeve, sfidave që sjellin ndryshimet gjeopolitike dhe ekonomike, si dhe nevojës për politika të qëndrueshme që nxisin investime me vlerë të shtuar më të lartë, teknologji të avancuara dhe vende pune cilësore.
Ligjërata u pasua nga një diskutim konstruktiv me pjesëmarrësit, gjatë të cilit u shkëmbyen përvoja dhe qëndrime mbi politikat për tërheqjen e investimeve, rolin e institucioneve në përmirësimin e klimës së biznesit dhe mundësitë për forcimin e bashkëpunimit rajonal në funksion të zhvillimit ekonomik.
Takime të tilla konfirmojnë rëndësinë e shkëmbimit të njohurive, përvojave dhe praktikave më të mira, si dhe të forcimit të bashkëpunimit me komunitetin akademik dhe organizatat ndërkombëtare. Ato përbëjnë një mundësi të vlefshme për zhvillimin e politikave që mbështesin një rritje ekonomike të qëndrueshme dhe një mjedis investimesh gjithnjë e më konkurrues.
