Kërçova është pasuruar me një organizim të ri kulturor, Shoqata Kulturore “Oda Kërçovare”, e cila do të veprojë në shërbim të ruajtjes dhe promovimit të kulturës, traditës, folklorit dhe trashëgimisë sonë kombëtare.
Shoqata synon të organizojë aktivitete kulturore, artistike dhe edukative, duke bashkuar krijues, artistë dhe veprimtarë në projekte që i shërbejnë Kërçovës dhe mbarë komunitetit.
Në krye të shoqatës është zgjedhur Argjend Lika, i mbështetur nga një ekip prej 15 anëtarësh nga Kërçova dhe diaspora, të bashkuar me vullnet për t’i dhënë jetë projekteve kulturore me interes të përgjithshëm.
Ndër aktivitetet e para të shoqatës është organizimi i Kërçova Fest, ndërsa në të ardhmen synohen edhe shumë iniciativa të tjera në shërbim të promovimit dhe zhvillimit të kulturës dhe traditës kërçovare.
Na priftë e mbara! Së bashku ta ruajmë, ta kultivojmë dhe ta promovojmë kulturën kërçovare, sepse Kërçova na bashkon të gjithëve.
