Kryeministri hungarez Peter Magyar ka bërë të ditur se afati i dhënë për dorëheqje ndaj presidentit të vendit skadon në mesnatë, duke paralajmëruar hapa të mëtejshëm nëse kërkesa nuk realizohet.
“Afati për dorëheqje përfundon sonte në mesnatë. Të hënën në ora 08:00 të mëngjesit do të vizitoj Presidentin e Republikës, Tamás Sulyok, së bashku me ministrin e Drejtësisë”, thuhet në mesazhin e publikuar prej tij.
Deklarata vjen në një moment tensionesh politike, ndërsa mbetet të shihet nëse deri në skadimin e afatit do të ketë zhvillime të reja. Takimi i paralajmëruar me presidentin pritet të tërheqë vëmendjen e opinionit publik dhe të japë sinjale për hapat e ardhshëm politikë.
