Sipas burimeve të afërta me administratën amerikane, Departamenti i Shtetit i SHBA-së po kryen një rishikim të gjerë të sanksioneve të vendosura gjatë epokës së Joe Bidenit.
Rasti i ish-zëvendëskryeministrit të Maqedonisë së Veriut, Artan Grubi, është një nga ato që pritet të trajtohet me prioritet.
Pak ditë pas heqjes së sanksioneve ndaj ish-zëvendësministrit bullgar Alexander Manolev, burime konfidenciale i kanë thënë për “The Pavlovic Today” se administrata Trump po shikon me kujdes rastet e politikanëve ballkanikë që u vendosën në “listën e zezë” në muajt e fundit të administratës së kaluar.
Artan Grubi u përfshi nën Section 7031(c) në dhjetor 2024, me akuzën e korrupsionit të rëndësishëm dhe ndërhyrje në procese gjyqësore. Sanksionet e ndaluan atij dhe familjes së tij hyrjen në Shtetet e Bashkuara.
Burimet thonë se në kuadër të këtij rishikimi, ekziston një vullnet i qartë për të hequr sanksione që besohet se janë ndikuar nga rrjetet e George Soros.
“Në disa raste, përfshirë atë të Grubit, po bëhet një rivlerësim i plotë.
Administrata e re nuk dëshiron të mbajë sanksione që mund të jenë përdorur si vegël politike ose të jenë të influencuara nga aktorë të jashtëm si George Soros,” tha një burim i lartë i njohur me procesin.
Heqja e mundshme e Grubit nga lista do të ishte një lajm i rëndësishëm në skenën politike shqiptare në Maqedoninë e Veriut, duke i hapur rrugë mundësisht një kthimi të tij në jetën publike.
Deri tani nuk ka pasur konfirmim zyrtar nga Departamenti i Shtetit, por sipas burimeve, vendimi mund të vijë në javët e ardhshme si pjesë e një serie heqjesh sanksionesh ndaj figurave ballkanike që konsiderohen si raste të politizuara.
Sipas të njëtave burime, Artan Grubi po konsiderohet një nga politikanët me pro amerikan në Ballkan dhe vendosja e tij në listë të zezë Amerikane nuk është në vizionon e politikës së jashtmë të Administeatës Trump.
Ky zhvillim vjen pas sinjaleve të qarta se presidenti Trump po ndjek një politikë më pragmatike ndaj aleatëve rajonalë dhe po pastron trashëgiminë e vendimeve të epokës Biden/Gazeta Journal/