Sot, kryetari i BDI-së, Ali Ahmeti, ka vizituar vendprehjen e bashkëveprimtarëve të tij, dëshmorit të UÇK-së Tahir Sinani dhe veteranit Muharrem Dina – “Mixha”, ku ka vendosur lule dhe ka shprehur mirënjohje për sakrificën e tyre.
Ahmeti theksoi se figura të tilla mbeten pjesë e pandashme e kujtesës kolektive dhe historisë së qëndresës shqiptare, duke vlerësuar se emri dhe vepra e tyre vazhdojnë të jenë shembull për përkushtim, guxim dhe dashuri ndaj atdheut.
Ai u përul para sakrificës së tyre dhe shprehu respekt të thellë për gjithçka që ata kanë lënë pas, duke përfunduar me nderimin: “Lavdi e përjetshme!”
Ja postimi plotë:
Sot, me respekt të veçantë, qëndrova pranë vendprehjes së bashkëveprimtarëve të mi, dëshmorit Tahir Sinani dhe veteranit të UÇK-së Muharrem Dina – Mixha, për të vendosur lule dhe për të shprehur mirënjohjen ndaj rrugës dhe sakrificës së tyre.
Njerëz të tillë nuk i mbulon koha, sepse ata mbeten pjesë e kujtesës sonë kolektive dhe e historisë së qëndresës shqiptare. Emri dhe vepra e tyre vazhdojnë të flasin për përkushtim, guxim dhe dashuri ndaj atdheut.
Përulje para sakrificës së tyre dhe respekt i pafund për gjithçka lanë pas. Lavdi e përjetshme!
