Kryetari i Bashkimit Demokratik për Integrim, Ali Ahmeti, ka uruar martesën e Luan Shkëlzen Haradinaj, duke e cilësuar këtë ngjarje si një moment të rëndësishëm jo vetëm për familjen, por edhe për vlerat që ajo përfaqëson.
Ai theksoi se familja Haradinaj mbetet simbol i sakrificës dhe përkushtimit për atdheun, ndërsa kujtoi me respekt figurën e Shkëlzen Haradinaj, i cili dha jetën për lirinë.
“Martesa e Luanit është vazhdim i një rruge dinjitoze, të ndërtuar mbi nder, traditë dhe vlera të larta kombëtare,” u shpreh Ahmeti në urimin e tij.
Në përfundim, ai i uroi çiftit jetë të gjatë, të mbushur me dashuri, respekt dhe lumturi të përjetshme, duke shtuar se trashëgimia e lavdisë duhet të vazhdojë me krenari.
Ja postimi plotë:
Sot është një ditë e veçantë gëzimi dhe krenarie 🇦🇱
Martesa e Luan Shkëlzen Haradinaj, djalit të një familjeje me emër e sakrificë për atdheun, është më shumë se një festë, është vazhdim i një rruge dinjitoze, të ndërtuar mbi vlera, nder dhe traditë.
Me respekt kujtojmë edhe figurën e babait të tij, Shkëlzen Haradinaj, i cili dha gjithçka për lirinë që sot e gëzojmë.
Urime çiftit për këtë hap të ri në jetë!
Qoftë martesa juaj e mbushur me dashuri, respekt dhe lumturi të përjetshme.
Le të vazhdojë trashëgimia e lavdisë!
