Në kuadër të forcimit të strukturave të Bashkimi Demokratik për Integrim, dega në Tetovë po vazhdon me përkushtim të plotë aktivitetet organizative dhe mobilizuese në terren.
Kryetari i degës, Bajram Rexhepi, theksoi rëndësinë e këtij procesi, duke vënë në pah se riorganizimi synon fuqizimin e çdo nëndege dhe afrimin sa më të madh me qytetarët.
“Me angazhimin e përbashkët dhe me kuadro të dëshmuar, po ndërtojmë një strukturë më të fortë dhe më funksionale, në shërbim të qytetarëve dhe vizionit tonë politik,” u shpreh ai.
Procesi do të vazhdojë edhe në ditët në vijim, me qëllim konsolidimin e plotë të degës dhe përgatitjen për sfidat e ardhshme politike.
Ja postimi plotë:
Vazhdojmë me Bozovcën 🤝
Sonte mbajtëm kuvendin e Nëndegës Bozovcë, ku për kryetar u zgjodh Shaip Ismaili, aktivist i kahmotshëm i BDI-së dhe njeri që beson dhe kontribuon në vlerat e organizatës sonë politike.
Vijojmë procesin e riorganizimit me njerëz të përkushtuar, duke forcuar strukturat dhe duke ndërtuar BDI-në e së ardhmes.
