Amir Shabani nga Bashkimi Demokratik për Integrim (BDI) ka reaguar ndaj deklaratave dhe qëndrimeve të fundit në skenën politike në Kumanovë, duke ngritur shqetësime mbi besueshmërinë dhe qëndrueshmërinë e disa figurave politike.
Sipas Shabanit, rasti i Granit Osmanit përfaqëson një fenomen të njohur për opinionin publik, ku një individ ka qenë pjesë e pothuajse çdo subjekti politik në vend. Ai thekson se kjo lëvizshmëri e vazhdueshme politike e bën të vështirë qëndrueshmërinë e qëndrimeve dhe besimin e qytetarëve.
“Qytetarët e dinë shumë mirë se kush ka qenë dhe ku ka qëndruar në momente të caktuara. Nuk mund të paraqitesh si zë serioz politik kur historia jote është e mbushur me ndryshime të shpeshta të qëndrimeve dhe përkatësive,” ka deklaruar Shabani.
Ai gjithashtu kujtoi periudha të caktuara politike, përfshirë vitet 2006–2008, kur sipas tij, lëvizjet e papritura politike treguan më shumë interes personal sesa përkushtim ndaj elektoratit.
Shabani shtoi se qytetarët janë gjithnjë e më të vetëdijshëm dhe nuk mund të mashtrohen lehtë nga retorika politike, duke theksuar se koha kërkon përgjegjësi, transparencë dhe integritet në përfaqësimin politik.
Në fund, ai theksoi se politika duhet të jetë në shërbim të qytetarëve dhe jo interesave individuale, duke bërë thirrje për më shumë seriozitet dhe përgjegjësi në diskursin publik.
Ja postimi plotë:
Granit Osmani, e ka një rekord që besoj se s’ka kush që ia kalon ndonjëherë në Kumanovë.
Domethënë, në Maqedoni nuk ka parti që është themeluar e ai nuk ka aderuar.
Prandaj, le të flasë çka të dojë, sepse krejt e dimë se sa “profiterë” të pasluftës janë.
Madje, rastësi apo jo, nuk e di, por ka aftësi të veçanta për ta nuhatur paraprakisht se cilat parti humbëse VMRO-ja do t’i marrë në qeveri. (Kujtoj qeverisjen 2006–2008, kur Graniti na befasoi të gjithëve kur braktisi BDI-në dhe iu bashkangjit Menduh Thaçit dhe pastaj qeverisë me VMRO-në.)
Dhe po, le ta përmendë vetëm një shok i cili ia ka pa hajrin ati.
Dikur shoqëria ju ngriti, por ju e harruat ate.
