Profesori në Fakultetin Ekonomik të Universiteti Nënë Tereza (UNT), Rilind Ademi, ka shprehur mbështetje për studentët lidhur me kërkesat e tyre për Gjuhën Shqipe. Ai thekson rëndësinë e angazhimit të përbashkët dhe pjesëmarrjes aktive në shoqëri.
Në reagimin e tij, Ademi i referohet konceptit të njohur në teorinë e financës publike, “free rider”, që nënkupton përfitimin nga një e mirë publike pa kontribuar në krijimin e saj. Ai thekson se ky fenomen është i rrezikshëm edhe në kontekst shoqëror, sepse të drejtat nuk fitohen nga një pakicë aktive për një shumicë pasive, por vetëm kur shumica bëhet një zë i përbashkët.
“Përpjekja e studentëve për Gjuhën Shqipe nuk duhet parë si një kauzë e tyre e veçuar, por si përgjegjësi e përbashkët. Askush nuk duhet të qëndrojë anash duke shpresuar të përfitojë nga angazhimi i të tjerëve,” thekson Ademi.
Profesori bën thirrje për pjesëmarrje aktive dhe solidaritet me studentët, duke theksuar se vetëm përmes bashkëpunimit mund të arrihen rezultatet e dëshiruara.
Ja postimi i plotë:
Me studentët për “Gjuhën Shqipe”
Në teorinë e financës publike njihet koncepti i “free rider”, i cili nënkupton përfitimin nga një e mirë publike pa kontribuar në krijimin e saj.
Ky fenomen është i rrezikshëm edhe në kontekste shoqërore si ky i yni, sepse të drejtat nuk fitohen nga një pakicë aktive për një shumicë pasive, ato arrihen vetëm kur shumica bëhet një zë i përbashkët. Prandaj, në këtë përpjekje të studentëve, askush nuk duhet të qëndrojë anash duke shpresuar të përfitojë nga angazhimi i të tjerëve.
Vetëm përmes pjesëmarrjes së përbashkët dhe solidaritetit me studentët të sigurojmë që kërkesat e tyre të realizohen.
