“Ambasadori i Kombit”, Bruno Çeka, ka reaguar mbi çështjen e arsimit dhe pozitës politike të shqiptarëve në Republika e Maqedonisë së Veriut, duke theksuar nevojën për ruajtjen e identitetit kombëtar në universitetet shqiptare të vendit.
Në një deklaratë publike, Çeka u shpreh se universitetet shqiptare në RMV “nuk duhet të bien në kthetrat sllavo-maqedone dhe të humbin identitetin kombëtar”, duke kërkuar një model arsimor të unifikuar mes institucioneve të arsimit të lartë në Shqipëria, Kosova dhe RMV. Sipas tij, një standard i përbashkët arsimor, i harmonizuar me politikat evropiane, do ta bënte diplomën shqiptare më konkurruese në demokracitë perëndimore.
Ai gjithashtu bëri thirrje që Tirana dhe Prishtina zyrtare të zhvillojnë vizita shtetërore me programe të mirëstrukturuara diplomatike, në bashkëpunim me përfaqësues të Bashkimi Evropian, për të evidentuar situatën reale të të drejtave të shqiptarëve në RMV.
Duke folur për organizimin shtetëror, Çeka theksoi se shqiptarët në RMV duhet të kërkojnë realizimin e fuqisë së tyre shtetformuese, duke lobuar në Parlamenti Europian dhe në Kongresi Amerikan.
Sipas tij, federalizimi mbetet një formulë e mundshme për funksionimin e RMV-së si shtet gjeografik, duke theksuar se “po nuk e kërkuam, nuk na dhuron kush”.
Deklarata e tij pritet të ngjallë debat në opinionin publik dhe në qarqet politike lidhur me rolin e shqiptarëve në RMV dhe raportet ndërmjet shteteve të rajonit.
Ja postimi i plotë:
Nga Bruno Ceka – Ambasadori i Kombit
Universitetet shqiptare në Republikën e Maqedonisë së Veriut duhet të mos bien në kthetrat sllavo-maqedone dhe të humbin identitetin kombëtar.
Vizitat shtetërore të Tiranës dhe Prishtinës zyrtare duhet të bëhen me program diplomatik, edhe për të evidentuar, bashkë me përfaqësues të BE-së, se çfarë zbaton në realitet shteti laboratorik në Shkup dhe deri kur do të vazhdojë diskriminimi i shqiptarëve në RMV.
Shqiptarët e RMV-së duhet ta kërkojnë dhe ta realizojnë fuqinë shtetformuese si popull i pashkëputur me shqiptarët e Kosovës dhe Shqipërisë, brenda formulës së bashkimit politik, me lobim në Parlamentin Europian dhe në Kongresin Amerikan, duke qenë një front i vetëm për të mirën e kombit.
Besoj se formula e federalizimit është zgjidhja për një RMV gjeografike, por po nuk e kërkuam, nuk na dhuron kush!
Të gjitha universitetet shqiptare të Ballkanit (Shqipëri, Kosovë dhe RMV) duhet të kenë një model shqiptar arsimimi të njësuar me frymë kombëtare, brenda të gjitha politikave europiane, që diploma universitare e të diplomuarit shqiptar të jetë konkurruese në demokracitë perëndimore, me qëllim t’i shërbejmë shoqërisë shqiptare pa u ndikuar nga askush.
