Sipas Dedivanajt, komuniteti shqiptar në Michigan është ndër më të mëdhenjtë dhe më të organizuarit në SHBA, me kontribute të vazhdueshme në ekonomi, arsim, kulturë dhe jetën shoqërore amerikane.
Megjithatë, mungesa e një përfaqësie konsullore në këtë shtet vijon të krijojë vështirësi të shumta për qytetarët shqiptarë.
“Shumë bashkatdhetarë detyrohen të udhëtojnë në shtete të tjera për shërbime bazë si pajisja me pasaportë, dokumente noteriale, regjistrime civile dhe legalizime dokumentesh. Një konsullatë në Michigan do të kursente kohë, para dhe sakrifica për mijëra familje,” është shprehur Dedivanaj.
Ai thekson se përveç lehtësimit të shërbimeve konsullore, një prezencë zyrtare do të shërbente edhe si një urë e fortë lidhëse mes diasporës dhe atdheut, duke ndihmuar në ruajtjen e gjuhës, kulturës dhe identitetit kombëtar tek brezat e rinj.
Gjithashtu, sipas tij, hapja e një konsullate do të krijonte mundësi të reja për bashkëpunim ekonomik mes bizneseve shqiptare në Michigan dhe atyre në Shqipëri, duke nxitur investime dhe partneritete strategjike.
Dedivanaj u bën thirrje institucioneve përkatëse që të marrin në konsideratë këtë kërkesë të kahershme të komunitetit dhe fton bashkatdhetarët të mbështesin nismën përmes nënshkrimit të peticionit, si një mënyrë konkrete për ta bërë zërin e tyre të dëgjohet. 🇦🇱
Ja postimi i plotë:
Hapja e një Konsullate Shqiptare në shtetin e Michigan do të ishte një hap shumë i rëndësishëm për komunitetin shqiptar që jeton në këtë zonë dhe në shtetet përreth. Miçigeni është shtëpia e një numri të madh shqiptarësh, të cilët kontribuojnë çdo ditë në ekonomi, kulturë dhe jetën shoqërore të Shtetet e Bashkuara të Amerikës:
1. Lehtësim i shërbimeve konsullore
Aktualisht, shumë qytetarë shqiptarë duhet të udhëtojnë në shtete të tjera për të marrë shërbime si:
• Pajisja me pasaportë
• Prokura dhe dokumente noteriale
• Regjistrime civile
• Legalizime dokumentesh
Një konsullatë në Michigan do të kursente kohë, para dhe mund për mijëra familje.
2. Forcimi i lidhjeve me atdheun
Konsullata do të shërbente si një urë lidhëse mes diasporës dhe Shqipërisë, duke ndihmuar në:
• Ruajtjen e gjuhës dhe kulturës shqiptare
• Organizimin e aktiviteteve kulturore dhe kombëtare
• Mbështetjen e brezave të rinj në ruajtjen e identitetit shqiptar
3. Mbështetje për bizneset dhe investimet
Një prezencë zyrtare do të lehtësonte bashkëpunimin ekonomik mes bizneseve shqiptare në Michigan dhe Shqipërisë, duke nxitur investime dhe partneritete të reja.
4. Përfaqësim dhe siguri më e madhe
Një konsullatë do të siguronte përfaqësim më të drejtpërdrejtë diplomatik dhe mbështetje në raste emergjente për qytetarët shqiptarë!
Hapja e Konsullatës Shqiptare në Michigan nuk është vetëm një nevojë praktike, por edhe një hap drejt forcimit të komunitetit shqiptar dhe rritjes së rolit të diasporës në zhvillimin e vendit.
Nënshkrimi i peticionit është një mënyrë konkrete për të bërë zërin e komunitetit të dëgjohet. 🇦🇱
https://www.facebook.com/share/p/17pyjvXFpn/