Atdhetari Luan Veliu ka kujtuar me respekt të thellë dhe krenari kombëtare Heroin Bajram Bahtiri – Besniku, duke e cilësuar atë si një emër të pavdekshëm të lirisë dhe sakrificës shqiptare.
“Në kujtesën tonë kombëtare, Bajram Bahtiri mbetet udhërrëfyes me shtat e me shpirt, emër i lirisë i thurur në këngë, i shkruar në rrugë dhe i gdhendur përjetësisht në buste e përmendore,” është shprehur Luan Veliu.
Ai theksoi se edhe pas 42 vitesh pa heroin, vepra dhe ideali i tij vazhdojnë të ndriçojnë rrugën e brezave të rinj, duke shërbyer si shembull i përkushtimit dhe flijimit për atdheun.
“Sakrifica e Bajram Bahtirit u bë dritë për kombin. Jeta dhe vepra e tij janë pasuri kombëtare që duhet ruajtur, nderuar dhe transmetuar brez pas brezi,” theksoi Veliu.
Kujtimi i Heroit Bajram Bahtiri mbetet një thirrje e përhershme për unitet, dinjitet dhe dashuri ndaj atdheut.
Lavdi jetës dhe veprës së tij!
Lavdi sakrificës që u bë dritë për kombin!
Lavdi Heroin Bajram Bahtiri – Besniku!
