Myftinia e Tetovës, mbrëmë, 02.02.2026, organizoi me sukses ceremoninë fetare për nder të Natës së Madhe të Beratit, e cila u mbajt në Xhaminë e Madhe Tearcë në Tetovë, në prani të besimtarëve të shumtë.
Fjalën e rastit kushtuar për natën e madhe e mbajti Myftiu i Myftinisë së Tetovës, Dr. Hfz. Selver ef. Xhemaili, i cili foli për rëndësinë madhore që bart kjo natë e bekuar për besimtarët.
Duanë solemne e realizoi referenti për vakëfet, Taxhudin ef Hamidi, ndërsa moderimin e programit e bëri referenti Mr. Mahmud ef. Emini.
Programin e kësaj nate e zbukuruan hoxhallarët dhe hafizlerët me lexim nga Kur’ani Famëlart, Mevlidi Sherifi dhe disa Ilahi kushtuar për Beratin.
Myftinia e Tetovës falënderon kryesinë e Xhamisë dhe imamin e saj, Harbin ef. Saliu, për bashkëpunimin e realizimit të këtij manifestimit dhe pritjen e ngrohtë.
Myftinia e Tetovës gjithashtu falënderon të gjithë pjesëmarrësit dhe kontribuuesit për angazhimin dhe përkushtimin e tyre, duke u lutur që Allahu i Madhëruar t’i pranojë lutje dhe veprat tona dhe e bëft këtë natë si një natë e hajrit për besimtarët.
