Kryetari i Bashkimit Demokratik për Integrim, Ali Ahmeti, ka shprehur ngushëllimet e tij të thella për ndarjen nga jeta të Bashkim Manit.
“Me dhimbje të madhe mora lajmin e kobshëm për ndarjen nga jeta të Bashkim Manit. Kjo humbje e rëndë na preku të gjithëve. Bashkimi nuk ishte vetëm bashkëluftëtari im, por edhe një nga themeluesit e parë të BDI-së, një njeri i përkushtuar, i guximshëm dhe i palodhur në shërbim të kauzës sonë të përbashkët.
Kontributi i tij, sakrifica dhe përkushtimi për lirinë dhe të drejtat e shqiptarëve do të mbeten të paharruara. Kujtimi i tij do të jetojë gjithmonë mes nesh.
Ngushëllimet më të sinqerta familjes, miqve dhe bashkëluftëtarëve të tij.”
Ja postimi plotë:
Ngushëllime familjarëve, miqve dhe bashkëluftëtarëve të Bashkim Manit! Ky lajm i kobshëm na kapi të gjithë në befasi. Ai ishte jo vetëm bashkëluftëtari im, por edhe një nga themeluesit e parë të BDI-së. Kujtimi i tij, guximi dhe kontributi i tij do të mbeten gjithmonë ndër ne.