Myftiu i Tetovës Dr. Hfz. Selver Xhemaili pati kënaqësinë të mirëpresë në një vizitë tejet miqësore Prof. Dr. Ismail Ahmedi, profesor i mirënjohur universitar dhe personalitet i shquar i botës akademike.
Gjatë takimit u bisedua për çështje me interes të përbashkët, veçanërisht mbi rolin e dijes, arsimit, ligjërimit fetar dhe bashkëpunimit ndërmjet institucioneve fetare dhe akademike në shoqëri.
Me këtë rast, Prof. Dr. Ismail Ahmedi i dhuroi myftiut kompletin librave të tij autoriale nga veprimtaria e tij shkencore dhe kompletin e librave të Hafiz Ali Korçës si shenjë respekti dhe kontributi për pasurimin e fondit të bibliotekës dhe promovimin e dijes islame dhe akademike.
Myftiu Xhemaili e falënderoi Prof. Dr. Ismail Ahmedin për vizitën dhe dhuratat e çmuara, duke vlerësuar lart angazhimin e tij në fushën e arsimit dhe kontributin e vazhdueshëm në jetën intelektuale dhe kulturore.
Kjo vizitë dëshmon rëndësinë e forcimit të lidhjeve ndërmjet institucioneve fetare dhe atyre akademike, në funksion të avancimit të dijes dhe vlerave shoqërore.
