Sot (e shtunë, 06.12.2025), në ambientet e saj, Myftinia e BFI Tetovë mbajti mbledhjen e rregullt me anëtarët e Mexhlisit të Myftinisë, me pikat e rendit të ditës: shpalljen e zgjedhjeve të organeve kolektive të BFI-së në RMV, si dhe çështje të ndryshme, duke theksuar në veçanti vizitën e imam-it të Qabes në Tetovë.
Mbledhja u udhëhoq nga Myftiu i Myftinisë së BFI Tetovë, Dr. Hfz. Selver ef. Xhemaili, i cili prezantoi vendimin e shpallur nga Rijaseti i BFI-së dhe Reisul Ulema, H. Hfz. Shaqir ef. Fetai, që parasheh zbatimin e procesit zgjedhor në të gjitha Myftinitë: zgjedhjen e Këshillave të Xhamive, anëtarëve të rinj të Mexhlisit të Xhemateve dhe anëtarëve të Kuvendit të BFI-së, brenda afateve të përcaktuara kohore, për të cilat Myftinia do të njoftoj opinionin me shkresë zyrtare.
Myftiu shprehu mirënjohjen e tij të thellë për anëtarët e Mexhlisit të Myftinisë të cilët përfunduan mandatin e tyre për kontributin e dhënë, duke i falënderuar për bashkëpunimin dhe duke veçuar punën e tyre me mirënjohje falënderimi.
Në mënyrë unanime sot, u vendos formimi i Komisionit Rajonal Zgjedhor.
Anëtarët e emëruar të Komisionit janë:
Semir ef. Fazliji
Muhamed ef. Berzati
Taxhudin ef. Haimidi
Ndërsa si zëvendës u caktuan:
Rexhep ef. Veseli
Abdurahim ef. Murati
Mahmud ef. Emini
Selamet e përzemërta të Reisul Ulemasë së BFI-së në RMV, H. Hfz. Shaqir ef. Fetai, si dhe të Rijasetit të BFI-së, u përcollën nga përfaqësuesi i pranishëm, drejtori i sektorit fetaro-arsimor, Mr. Fejzulla ef. Sadiki.
Për hapat e rradhës të zgjedhjeve do të njoftoheni me kohë.
