Nënkryetari i Bashkimit Demokratik për Integrim, Arbër Ademi, mbrëmë mori pjesë në pritjen solemne të organizuar nga Ambasadori i Republikës së Shqipërisë në Maqedoninë e Veriut, Sh.T.Z. Denion Meidani, me rastin e festave kombëtare të 28 dhe 29 Nëntorit.
Ngjarja, e cila mblodhi personalitete nga jeta politike, diplomatike dhe shoqërore, u zhvillua në një atmosferë të ngrohtë dhe dinjitoze, duke reflektuar respektin e ndërsjellë dhe krenarinë për rrugëtimin historik të popullit shqiptar.
Ademi theksoi rëndësinë e këtyre datave të shenjta që simbolizojnë themelin e lirisë dhe shtetformimit shqiptar, si dhe sakrificën e brezave që punuan e luftuan për identitetin dhe të ardhmen e kombit.
“Gëzuar këto ditë të mëdha për të gjithë shqiptarët. Le të vazhdojmë të qëndrojmë të bashkuar dhe të përkushtuar ndaj vlerave që na mbajnë të fortë si komb,” ka shkruar Ademi.
Ja postimi i plotë:
Mbrëmë mora pjesë në pritjen e organizuar nga Ambasadori i Republikës së Shqipërisë në Maqedoninë e Veriut, Sh.T.Z. Denion Meidani, një ngjarje e veçantë kushtuar 28 dhe 29 Nëntorit, ditëve që për ne shqiptarët përfaqësojnë themelin e lirisë dhe shtetformimit.
Këto ditë të shenjta për kombin tonë sjellin në vëmendje sakrificën e brezave që luftuan për identitetin, dinjitetin dhe të ardhmen e shqiptarëve. Mbrëmja u zhvillua në një atmosferë të ngrohtë dhe të dinjitetshme, që reflektonte unitet, respekt dhe krenari për rrugëtimin tonë historik.
Gëzuar të gjithë shqiptarëve këto ditë të mëdha! Le të qëndrojmë të bashkuar dhe të përkushtuar ndaj vlerave që na mbajnë të fortë si komb. 🇦🇱✨