Më 18 nëntor 2025 filloi seminari i 5-të për imamët boshnjakë nga Maqedonia e Veriut, Kosova dhe Mali i Zi, i cili këtë vit po organizohet në Ohër. Seminari është organizuar nga Drejtoria për Marrëdhënie të Jashtme dhe Diasporë e Rijasetit të Bashkësisë Islame të Bosnjë e Hercegovinës.
Seminarin e hapi zyrtarisht z. Muhamed Jugo, pas të cilit , në emër të Reisul Ulemasë të BFI-së së RMV-së, H. Hfz. Shaqir ef. Fetai, dhe në emër të Myftinisë së Ohrit, Myftiu h. Samet ef. Ajdari, mbajti një fjalë përshëndetëse.
Në këtë seminar marrin pjesë tetë imamë nga Maqedonia e Veriut, të cilët udhëhiqen nga Mr. Seadin ef. Bilali.
Ky seminar ka një rëndësi të madhe për të gjithë imamët, sepse ata janë udhërrëfyesit e xhematit dhe bashkësive të tyre, si dhe shtyllat themelore në ruajtjen e jetës shpirtërore dhe fetare të mislimanëve.
Seminari gjithashtu është dëshmi e bashkëpunimit vëllazëror dhe institucional ndërmjet Rijasetit të Republikës së Maqedonisë së Veriut dhe Rijasetit të Bosnjë e Hercegovinës.
Në fund, Myftiu i Ohrit edhe një herë i përshëndeti mysafirët në emër të Reisul Ulema H. Hfz. Shaqir ef. Fetai, dhe përcolli mbështetjen e Reisul Ulemasë për çdo projekt që shërben për forcimin e shërbimit imamit dhe unitetin e popullit tonë.
