Kryetari i Shoqatës “Jehona e Malësisë”, z. Agron Dedivanaj, ka përcjellë një urim të ngrohtë dhe plot respekt për prindërit e tij, në këtë ditë të veçantë kur ata shënojnë 57 vite bashkëjetesë martesore.
Në mesazhin e tij, z. Dedivanaj thekson se ky jubile nuk përfaqëson vetëm një përvjetor të rëndësishëm, por një histori të vlefshme familjare të ndërtuar mbi dashuri, respekt, durim dhe përkushtim të ndërsjellë. Ai vlerësoi me mirënjohje të thellë trashëgiminë shpirtërore dhe familjare që prindërit e tij kanë krijuar, e cila sot pasqyrohet në 34 nipa e mbesa, një bekim i rrallë dhe një pasuri që ruan e forcon vlerat dhe traditat ndër breza.
“Ky jubile është një moment nderimi për rrugëtimin e tyre të gjatë e të palëkundur, për harmoninë që kanë kultivuar dhe shembullin e jashtëzakonshëm që i kanë dhënë familjes sonë,” – shprehet z. Dedivanaj.
Në përmbyllje të urimit, ai u dëshiroi prindërve shëndet, qetësi dhe gëzime të shumta familjare për shumë vite të tjera.
Ja postimi plotë:
57 vite martesë – një përvjetor që nderon jo vetëm një histori bashkëshortore, por një themel familjarë i fort, i ngritur mbi respekt, durim dhe përkushtim të ndërsjellë.
Në këtë ditë të shënuar, me mirënjohje të thellë urojmë dy prindërve tanë, të cilët kanë ndërtuar një trashëgimi të çmuar që sot pasqyrohet në 34 nipa e mbesa – një bekim i rrallë dhe një pasuri që ndër breza ruan emrin, vlerat dhe traditat e familjes sonë.
Ky jubile përfaqëson një moment ceremonial nderimi për rrugëtimin tuaj të gjatë, për harmoninë që keni kultivuar dhe për shembullin që keni dhënë.
Me respekt, dashuri dhe admirim, urojmë që shëndeti, qetësia dhe gëzimet familjare t’ju shoqërojnë për shumë vite të tjera.
