Më 29 tetor 2025, Kryetari i Bashkësisë Fetare Islame të Republikës së Maqedonisë së Veriut, Reisul Ulema H. Hfz. Shaqir ef. Fetai, i shoqëruar nga Sekretari i Përgjithshëm, Z. Irsal Jakupi, si dhe myftinjtë Dr. Qenan ef. Ismaili, Dr. Selver Xhemaili, H. Sabahudin ef. Zendeli, Mr. Nasir Rexhepi, H. Xhunejd ef. Jashar, dhe bashkëpunëtorët Z. Nizam Reshid e Dr. Furkan Shaban, mori pjesë në ceremoninë solemne të organizuar nga Ambasada e Republikës së Turqisë në Shkup, me rastin e Ditës Kombëtare të Republikës së Turqisë.
Ceremonia u udhëhoq nga ambasadori i Republikës së Turqisë, Z. Fatih Ulusoy, në prani të personaliteteve të shumta nga fusha të ndryshme të jetës politike, diplomatike, akademike e fetare.
Në fjalën e tij përshëndetëse, ambasadori Z. Ulusoy shprehu falënderimet dhe mirëseardhjen për të ftuarit, duke theksuar rëndësinë historike të kësaj dite për shtetin dhe popullin turk.
Ngjarja u zhvillua në një atmosferë të ngrohtë miqësie dhe ishte organizuar në mënyrë të shkëlqyer.
