Kandidati i Aleancës Kombëtare për Integrim, Isen Shabani, ka nënshkruar sonte marrëveshjen e bashkëpunimit me Partinë Lidhja Social Demokrate e Maqedonisë (LSDM), dega e Vrapçishtit.
Kjo marrëveshje shënon një hap të rëndësishëm drejt bashkëpunimit politik dhe institucional për të avancuar zhvillimin e komunës së Vrapçishtit. Palët u dakorduan që interesi i qytetarëve të jetë prioriteti kryesor, duke bashkuar forcat për një të ardhme më të mirë.
“Ky është një hap i rëndësishëm për komunën tonë. Me vizion të përbashkët dhe qëllime të qarta, do të punojmë për zhvillimin dhe mirëqenien e të gjithë qytetarëve,” deklaroi Isen Shabani, kandidat i Aleancës Kombëtare për Integrim.
Përmes kësaj marrëveshjeje, theksohet rëndësia e unitetit, mirëkuptimit dhe zhvillimit të qëndrueshëm, duke hapur rrugë për bashkëpunime konkrete në të ardhmen.