Do të jetë me partneritet publik – privat, me më së paku 20 hotele të reja dhe pishinë me borë artificiale – ky është plani i kandidatit të AKI-së, Bajram Rexhepi për qendrën turistike në Tetovë – Kodrën e Diellit.
“Ky projekt do të jetë prioriteti numër 1. Që nga dita e parë unë do të merrem me Kodrën e Diellit sepse kam besimin se Kodra e Diellit e shpëton Tetovën. Që ta kenë të qartë qytetarët – Kodra e Diellit do të bëhet me partneritet publik-privat. Fatmirësisht, ka të interesuar, partnerë seriozë privat me fuqi të mëdha financiare dhe që menaxhojnë shumë qendra skijimi nëpër Evropë. Është kompani italiane, “Alpine grup””, tha Rexhepi në TV21.