Sot, e hënë, më datë 06 tetor 2025, në ambientet e Myftinisë, Myftinia e BFI Tetovë, nën udhëheqjen e Myftiut të Tetovës, Dr. Selver ef. Xhemaili, me prezencën e anëtarëve të Myftinisë dhe të përfaqësuesit të Rijasetit, Mr. Fejzulla ef. Sadiki, mbajti mbledhjen e saj të rregullt.
Në rend dite u shqyrtuan informimi mbi ecurinë e proceseve të punës në Myftini, veçanërisht ato të periudhës së fundit, si dhe përcaktimi i objektivave për periudhën e ardhshme. Mbledhja u mbyll me miratimin e disa vendimeve konkrete, të cilat synojnë forcimin e veprimtarisë fetare dhe organizative të Myftinisë së BFI Tetovë.
