Mbrëmë në qytetin e Cyrihut u mbajt një ndejë e veçantë vëllazërore me bashkatdhetarë shqiptarë që jetojnë e veprojnë në Zvicër. Në këtë takim u mblodhën shumë afaristë, si dhe figura të shquara të shkencës, artit, sportit e letërsisë nga komuniteti ynë në diasporë.
Ndër të pranishmit ishte edhe filantropi i njohur Lazim Destani, i cili me veprimtarinë e tij të gjerë në mbështetje të çështjeve kombëtare e humanitare, përfaqëson një model frymëzues për shqiptarët kudo që ndodhen.
Gjatë mbrëmjes u zhvilluan biseda të ndryshme mbi sfidat dhe mundësitë e diasporës shqiptare, si dhe mbi çështje që lidhen me trojet tona.
Një falënderim i veçantë iu drejtua organizatorit të ngjarjes, pronarit të restorantit “Churrasco” në Cyrih, z. Sokol Komani, i cili krijoi këtë atmosferë mikpritëse. Në kuadër të kësaj mbrëmjeje u bë edhe prezantimi i brendit të cigareve/purove “Qunto” në tregun e Zvicrës.
Ky aktivitet dëshmoi edhe njëherë fuqinë e bashkimit dhe rolin e rëndësishëm që ka diaspora jonë.
