Kandidati për kryetar të Komunës së Vrapçishtit nga Aleanca Kombëtare për Integrim, z. Isen Shabani, ka shprehur mirënjohjen e tij të thellë ndaj banorëve të fshatit Negotinë për mbështetjen dhe besimin e treguar.
“Faleminderit nga zemra banorëve të fshatit Negotinë për përkrahjen e jashtëzakonshme! Besimi juaj është fitorja jonë më e madhe. Së bashku vazhdojmë rrugën drejt së ardhmes që e meritojmë,” – u shpreh Shabani në mesazhin e tij.
Ai theksoi se kjo përkrahje është dëshmi e qartë e besimit që qytetarët kanë për vizionin e tij dhe të Aleancës Kombëtare për Integrim, duke shtuar se do të angazhohet për zhvillim, mirëqenie dhe përfaqësim të denjë të secilit banor të Komunës së Vrapçishtit.
