Pas tubimit të jashtëzakonshëm të AKI-së në Shkup, Sekretari i Përgjithshëm i Shtabit Zgjedhor, Faton Ahmeti ka theksuar se “shqiptarët janë shqiponja, ata nuk mbahen peng as nga zagarët e as nga padronët e tyre”.
Postimi i tij në fb:
Kur padroni shkon në gjueti, ai merr zagarët me vete për t’i lëshuar pas lepujve,por gabimi më i madh ndodh kur ata zagarë i lëshon të ndjekin shqiponjat.
Pse?!
Sepse zagarët nuk dinë të fluturojnë. Ata vetëm lehin duke parë nga poshtë, ndërsa shqiponjat ngjiten lartë, në qiellin e lirë.
Ky është realiteti politik i ditës: disa mendojnë se duke lëshuar qentë e oborrit pas shqiponjave, do t’i ndalin ose do t’i përbaltin. Por e vërteta është ndryshe, zagarët mund vetëm të lehin në vend, e shqiponjat ngriten lartë e me lartë.
Kjo metaforë, ka një simbolikë dhe mesazh të qartë: kush e ndien veten i prekur dhe identifikohet me kafshë me katër këmbë, është çështje e gjendjes së tij emocionale.
Shqiptarët janë shqiponja. Ata nuk mbahen peng as nga zagarët e as nga padronët e tyre.
