Kryetari aktual i Komunës së Sarajit Iljas Veseli ka shprehur mirënjohje të veçantë për kolegët e tij këshilltarë, të cilët me shumicë absolute votuan ndryshimin e vendimit për tatimin në pronë.
Në një postim në rrjetet sociale, ai theksoi se ky hap përfaqëson një vendim të rëndësishëm në shërbim të interesit të qytetarëve, duke synuar lehtësimin e barrës financiare dhe krijimin e kushteve më të mira për mirëqenie dhe zhvillim të përbashkët.
“Kjo mbështetje është dëshmi e përkushtimit tonë të përbashkët për një komunë më të drejtë, më të fortë dhe më afër qytetarëve,” u shpreh kryetari, duke shtuar se puna dhe bashkëpunimi për të mirën e përbashkët do të vazhdojnë me vendosmëri.