Kandidati i AKI-së për Tetovën, Bajram Rexhepi, bashkë me të rinjtë nga lista e këshilltarëve të subjektit, vizitoi sot tregun tradicional pranë Arabati Baba Teqesë. Ai u takua me shitësit, duke diskutuar për sfidat e tyre të përditshme dhe prezantoi vizionin e tij për një Tetovë më të organizuar, me më shumë hapësira për ekonominë vendore dhe njerëzit e punës.
Rexhepi tha se ka qenë në vVizitë në tregun tradicional të së enjtes te Arabati Baba Teqe.
Sipas tij Tetova prej moti e ka zakon ditën e enjte si ditë tregu. Sot, bashkë me të rinjtë nga lista e këshilltarëve të AKI-së për Tetovën, vizituam shitësit dhe biseduam me ta për sfidat e tyre të përditshme, por edhe për vizionin tonë për një Tetovë më të organizuar, me më shumë hapësirë për ekonominë vendore dhe për njerëzit e punës.
