Kandidati për kryetar të komunës së Sarajit, Blerant Ramadani, ka ndarë një moment personal me ndjekësit e tij, duke treguar emocionet nga dita e parë e vajzës së tij në çerdhen e Kondovës.
“Zemra më rrahu fort, mes gëzimit e mallëngjimit, duke parë hapat e saj të vegjël drejt një bote të re. Çdo fëmijë e meriton këtë mundësi, një fillim të sigurt, të dashur dhe plot kujdes,” – shkroi Ramadani.
Ai theksoi se ky përjetim e ka bindur edhe më shumë për rëndësinë e krijimit të hapësirave të reja për fëmijët në Saraj.
“Sot, më shumë se kurrë, besoj se Saraji duhet të jetë vendi ku dyert e çerdheve të reja të jenë të hapura për çdo fëmijë,” – shtoi kandidati për kryetar.
Mesazhi i Ramadanit vjen si një premtim për përkushtim më të madh në zhvillimin e infrastrukturës së hershme arsimore dhe ofrimin e kushteve më të mira për fëmijët dhe prindërit në komunën e Sarajit.
