Nën patronazhin e Shkëlqesisë së tij, Mbretit Selman Bin Abdulaziz Al-Suud dhe nën organizim të Ministrisë për Çështje Fetare Thirrje dhe Udhëzim të Mbretërisë së Arabisë Saudite, në Mekken e Bekuar, zhvillohet edicioni i 45 i Garave Kur’anore Ndërkombëtare.
Përfaqësues zyrtar i Bashkësisë Fetare Islame të RMV – së në këto gara është imami i Xhamisë Murat Pasha, Hafiz Numan ef. Selami.
Garat do të zhvillohen në pesë kategori, ndërsa përfaqësuesi ynë do të garojë në kategorinë Hifz (recitim përmendësh i tërë Kur’anit Fisnik).
Kryetari i Bashkësisë Fetare Islame të RMV – së, Reisul Ulema H. Hfz. Shaqir ef. Fetai, në emrin e tij dhe të Bashkësisë Fetare Islame të RMV – së, Hafiz Numan Selamit i dëshiron shëndet, mbarësi dhe suksese në këto gara.
Allahu ju bekoftë!