Kryetari i BDI-së, Ali Ahmeti ka përgëzuar regjisorin Qëndrim Rijani për suksesin me shfaqjen “Jul Cezari” e cila u shfaq në kuadër të Verës së Splitit në Kroaci.
“Me kënaqësi të veçantë përgëzoj regjisorin tonë të talentuar, Qëndrim Rijani, për suksesin e madh të arritur me premierën e “Jul Cezarit” në Festivalin Veror të Splitit në Kroaci. Ky projekt, i cili sjell në skenë jo vetëm mjeshtërinë artistike por edhe reflektimin e thellë mbi pushtetin, drejtësinë dhe tradhtinë, dëshmon se arti ynë ka zë dhe ndikim përtej kufijve.
Qasja e guximshme regjisoriale dhe aktualizimi i një klasiku të Shekspirit në një realitet të njohur për publikun e sotëm, është një dëshmi e fuqisë së artit për të sfiduar mendimin dhe për të frymëzuar debat. Ju falënderoj që me veprën tuaj po e bëni kulturën shqiptare të njohur dhe të respektuar në skenat ndërkombëtare.
Ju uroj suksese të tjera edhe më të mëdha në projektet që keni përpara dhe jam i bindur se rrugëtimi juaj do të mbetet frymëzim për shumë artistë të rinj”, shkruan Ahmeti.
Ditë më parë edhe ne njoftuam për këtë premierë të kësaj shfaqjeje.
Nesër premiera e madhe e shfaqjes “Jul Cezari” në regji të Qëndrim Rijanit (FOTO)
