Deputeti i Aleancës për Ardhmërinë e Kosovës (AAK), Daut Haradinaj, ka reaguar ashpër pas thirrjeve raciste dhe ksenofobe ndaj shqiptarëve në Maqedoninë e Veriut, duke e lidhur këtë klimë me ndikimin e kryeministrit të Kosovës, Albin Kurti.
“‘Ndryshimi’ që e solli Albin Kurti në Maqedoni të Veriut po ju bën të fala me klithmat shurdhuese: ‘Dhoma gazi për shqiptarët’, ‘Shqiptari i mirë është vetëm shqiptari i vdekur’, ‘Maqedoni e pastër (pa shqiptarë)’, ‘Shqiptarët e mallkuar ta dijnë se emri Maqedoni nuk zhduket’,” ka deklaruar Haradinaj.
Ai ka kritikuar mungesën e çdo reagimi nga ana e Kurtit, të cilin e cilëson si “kumbar të koalicionit qeverisës” në Maqedoninë e Veriut, duke theksuar se heshtja përballë gjuhës së urrejtjes është e papranueshme.
