Presidenti serb, Aleksandar Vuçiq ka deklaruar se vendi i tij po kalon procesin e anëtarësimit dhe integrimit në BE, por se nuk dëshiron të anëtarësohet në NATO.
Deklaratat e Vuçiqit erdhën në ditën e dytë të seancës speciale të Kuvendit të Serbisë, ku u diskutua në mënyrë gjithëpërfshirëse plani franko-gjerman, i mbështetur nga SHBA dhe BE, për zgjidhjen e çështjes së Kosovës.
“Serbia nuk dëshiron të anëtarësohet në NATO. Serbia dëshiron të ruajë dhe forcojë neutralitetin e saj ushtarak. Ekziston një dallim i madh midis integrimit evropian dhe integrimit Atlantik”, tha Vuçiq.
Ai tha se Serbia do ta pengojë Kosovën të anëtarësohet në OKB dhe mund ta arrijë këtë.
Ligjvënësit miratuan raportin e qeverisë për negociatat me Kosovën nga shtatori 2022 deri në mes të janarit 2023.
Deputetët debatuan për dy ditë në seancën e jashtëzakonshme të Kuvendit për Kosovën, ku në rend dite raporti i qeverisë për negociatat me Prishtinën.
Raporti prej 40 faqesh nuk përmend propozimin franko-gjerman për zgjidhjen e çështjes së Kosovës, por renditi aktivitetet e kaluara dhe vlerëson progresin në çështjet dhe marrëveshjet individuale, shkruan Anadolu.