Sot, Bujanocit dhe gjithë Luginës i ofruam një tubim përkujtimor të paharruar, në nderim të Komandant Lleshit, një figure që mbetet simbol i sakrificës dhe qëndresës kombëtare.
Faleminderit nga zemra drejtorit artistik Shkodran Tolaj, i cili solli një program të jashtëzakonshëm dhe thellësisht emocional.
Faleminderit artistëve më të mirë shqiptarë për interpretimet e tyre që preknin shpirtin, duke e kthyer këtë koncert në një homazh të denjë për një hero.
Një falënderim i veçantë shkon për qytetarët që mbushën Shtëpinë e Kulturës dhe treguan me praninë e tyre se kujtesa jonë kolektive është e gjallë dhe krenare.
Komandant Lleshi meriton ngjarje të tilla.
Kjo është më e pakta që mund të bëjmë për të nderuar veprën, sakrificën dhe idealin e tij.
Bujanoci do të mbetet qendër e historisë, kulturës dhe trashëgimisë gjithëkombëtare, një vend ku kujtimi për heronjtë tanë do të jetojë përherë.
