Presidentja e Kosovës, Vjosa Osmani, në kuadër të vizitës zyrtare në Zvicër sot në orën
13:00 do të pritet nga presidentja e Zvicrës, Karin Keller-Sutter, në Lohn Manor, rezidencën e Këshillit Federal të Zvicrës, raporton nga Zvicra, Ekonomia Online.
Ndërsa, në orën 15:00 për nder të presidentes Osmani organizohet pritje me nderime ushtarake në Sheshin Federal.
Në orën 15:30 do të ketë deklarime nga të dy presidentet në ndërtesën e Parlamentit/Këshillit Federal.
Në orën 17:10 presidentja Osmani dhe presidentja e Zvicrës, Karin Keller-Sutter, do të mbajnë konferencë për media në Qendrën e Mediave në Bern.
Është kjo vizita e parë e një presidenti të Kosovës në Zvicër me ftesë të presidentit të këtij shteti.
Agjencia e lajmeve Ekonomia Online do të raportojë vijimisht edhe me video nga vendi i ngjarjes për ecurinë e vizitës së presidentes Osmani në Zvicër.