Sot, 19 maj (e hënë), Kryetari i Bashkësisë Fetare Islame të RMV – së, Reisul Ulema H. Hfz. Shaqir ef. Fetai, i shoqëruar nga drejtori i sektorit fetaro – arsimor, Mr. Hfz. Fejzulla Sadiki dhe drejtori për kulturë dhe shkencë, Mr. Musanif Rufati, priti në kabinetin e tij fituesin e çmimit të madh, vendit të parë në kategorinë Hifz të Garave Kur’anore Ndërkombëtare në vendet Ballkanike, Numan Selami si dhe fituesin e vendit të dytë kë kategorinë dy xhuz’, Hamza Arsllani.
Gjatë takimit, Reisul Ulema H. Hfz. Shaqir ef. Fetai, fillimisht u shpreh shum i ngazëllyer me suksesin e arritur të përfaqësuesve të Bashkësisë Fetare Islame të RMV – së në këto gara, në veçanti me Hfz. Numan Selamin i cili arriti të sigurojë vendin e parë në kategorinë kryesore, atë të memorizimit të tërësishëm të Kur’anit, duke nënvizuar se suksesi i juaj është një moment shum i rëndësishëm i motivimit të të rinjëve në nxënien e Fjalës së Allahut të Lartëmadhëruar.
Reisul Ulema kandidatëve u dëshiroi shëndet të plotë dhe suksese të larta në kompeticionet e rradhës të garave Kur’anore.
Në fund, Reisul Ulema H. Hfz. Shaqir ef. Fetai, në shenjë falenderimi për përfaqësimin dinjitoz, fituesve u ndau mirënjohje dhe nga një shpërblim simbolik.
Allahu ju bekoftë!
