Pas skandaleve të paraqitura në disa mediume, për keqpërdorim të mjeteve të buxhetit për kontrata fiktive për aktivist partiak, nga ana e Kryetarit të Komunës, Bilall Kasami, sot këshilltarët e Bashkimit Demokratik për Integrim të kryesuar nga Koordinatori Liridon Disha, kanë dërguar kërkes zyrtare me shkrim deri tek kryetari i komunës që të informoj opinionin publik për të gjithë personat e angazhuar me kontratë në vepër.
Kjo kërkesë është bazuar në Nenin 1 dhe 2 të ligjith për qasje në informata me karakter publik, dhe qytetarët kanë të drejtë të dinë se kush punon në Komunë dhe kush paguhet me taksat e tyre, ka theksuar Disha.
Ja postimi plotë:
Të nderuar bashkëqytetarë,
Duke u bazuar në Nenin 1 dhe 2 të Ligjit për qasje në informata me karakter publik, ne sot kemi kërkuar nga Komuna e Tetovës që në formë të shkruar ta informojë opinionin publik për listën e të gjithë personave të angazhuar nga Komuna me kontratë në vepër.
Këtë kërkesë e dërguam për shkak të plasimit në media të disa informatave ku persona të ndryshëm paraqiten si punëtorë me kontratë në vepër në Komunën e Tetovës dhe paguhen nga buxheti i Komunës.
Qytetarët kanë të drejtë ta dijnë kush punon në Komunë dhe kush paguhet nga taksat e tyre!
Kërkesën tonë e keni më poshtë.
Me respekt,
Këshilltarët Komunal të Bashkimit Demokratik për Integrim në Këshillin Komunal të Komunës së Tetovës.
