Me kënaqësi njoftoj se prej sot Bekim Berisha do të jetë pjesë e Qendrës për Analizë dhe Komunikim në shtabin politik të Çairit.
Me një përvojë të gjatë 16-vjeçare në fushën e statistikave sociale dhe një profil profesional të mbështetur në analizë të të dhënave, bashkëpunim ndërinstitucional dhe përgatitje pedagogjike, Bekimi do të jetë një vlerë e shtuar për punën tonë analitike dhe komunikimin strategjik.
Ai vjen nga Enti Shtetëror për Statistika, ku për vite me radhë ka qenë pjesë e sektorit për statistika të arsimit dhe ka kontribuar në përgatitjen e raporteve zyrtare, bashkëpunime ndërkombëtare dhe përdorimin e mjeteve moderne për interpretimin e të dhënave.
Në një kohë kur vendimmarrja duhet të mbështetet në analiza të sakta dhe komunikim të qartë, jemi të bindur se Bekimi do të japë një kontribut të rëndësishëm për përforcimin e qasjes sonë profesionale dhe të përgjegjshme ndaj opinionit publik.
