Kryetari i Shoqatës ” Jehona e Malësisë”, bisnismen i njohur në Shba, Agron Dedivanaj, i shoqëruar me bashkëpunëtorë mbrëmë ka mar pjesë në një event ku janë promovuar 4 lloje të verës të cilat prodhohen në Malësi nga Dedvukajvineyard, në pronësi të atdhetarit Pashko Dedvukaj.
Dedivanaj ka përgëzuar mikun e fëmijërisë së tij Pashko Dedvukaj, i cili ka zgjedhur ka filluar këtë biznes duke zgjedhur ti qëndrojë besnik vendlindjes së tij, Malësisë.
“Ai e ka ngritur Malësinë në një stad të ri, duke treguar se Malësia ka ekspertët e saj dhe mund të prodhojë verëra të cilësisë, konkurruese me vreshtarët e cilitdo vend me përvojë gjeneratash”- ka shkruar Dedivanaj.
Ja postimi plotë:
Përgëzoj me shumë krenari shokun tim që nga fëmijëria dhe bashkëatdhetarin tonë, Pashko Dedvukaj, për arritjet e tij në biznesin familjar, të shfaqura mbrëmë gjatë promovimit të katër llojeve të ndryshme të verës, në restaurantin “Zana”.
Pashku, megjithëse kishte mundësinë e largimit, zgjodhi të qëndrojë besnik ndaj vendlindjes së tij, Malësisë, dhe të qëndrojë aty ku e ka zanafillën. Puna, sakrifica dhe suksesi i tij nuk janë vetëm një fitore personale, por një arritje për të gjithë ne. Ai e ka ngritur Malësinë në një stad të ri, duke treguar se Malësia ka ekspertët e saj dhe mund të prodhojë verëra të cilësisë, konkurruese me vreshtarët e cilitdo vend me përvojë gjeneratash.
Detyra jonë është ta falënderojmë dhe ta mbështesim duke konsumuar dhe promovuar me krenari prodhimet e tij. Me shpresë që Malësia të vazhdojë të shquhet në rrugën e suksesit në çdo fushë të mundshme!
Faleminderit, Pashko, për gjithë punën dhe përkushtimin tënd!
