Nën përkujdesjen e Kryetarit të Bashkësisë Fetare Islame të RMV – së, Reisul Ulema H. Hfz. Shaqir ef. Fetai dhe udhëheqje të drejtorit të sektorit fetaro – arsimor, Bashkësia Fetare Islame e RMV – së, merr pjesë në edicionin e tretë të Garave Kur’anore Ndërkombëtare të organizuara nga Mbretëria e Arabisë Saudite në bashkëpunim me Bashkësinë Islame të Kosovës të cilat mbahen në Prishtinë.
Në këto gara Bashkësia Fetare Islame e RMV – së përfaqësohet nga 25 garues në 4 konkurrenca të ndryshme edhe atë:
– Memorizim i tërësishëm i Kur’anit Famëlartë
– Memorizim i dhjetë pjesëve të Kur’anit Famëlartë
– Memorizim i pesë pjesëve të Kur’anit Famëlartë
– Memorizim i 2 pjesëve të Kur’anit Famëlartë
Vlen të theksohet se pjesë e komisionit vlerësues të këtyre garave është edhe Prof. Hfz. Shafi Osmani.
Bashkësia Fetare Islame e RMV – së kandidatët e saj i falenderon për përfaqësimin dinjitoz duke ju dëshiruar shëndet dhe suksese të larta.
Allahu ju bekoftë!