Me pikëllim mora lajmin për ndarjen nga jeta të znj. Kaqusha Jashari, themeluese e Partisë Socialdemokrate, ish-deputete e Kuvendit të Kosovës dhe një prej figurave të njohura të skenës politike në dekadat e fundit.
Gjatë angazhimit të saj në jetën publike, znj. Jashari ushtroi poste të rëndësishme në momente të ndryshme të historisë institucionale të Kosovës dhe ishte e pranishme dhe bartëse në procese me rëndësi për zhvillimet politike dhe shoqërore në Kosovë.
Kaqusha Jashari, pavarësisht vështirësive e presioneve që pati, nuk u dorëzua asnjëherë: mbeti e përkushtuar ndaj idealit të lirisë dhe barazisë.
Shpreh ngushëllimet e mia të sinqerta familjes Jashari, të afërmve, miqve dhe të gjithë atyre që ndanë me të rrugëtimin profesional dhe politik.