Nënkryetar i BDI-së, Bujar Osmani së fundmi mori pjesë në në konferencën e organizuar nga Presidenti slloven Borut Pahor në Lubjanë, përcjell TV21. Mes tjerash, Osmani foli edhe për pozitën e Maqedonisë së Veriut dhe rrugën eurointegruese të vendit, duke thënë se zgjedhjet e parakohshme parlamentare mund ta zhbllokojnë procesin eurointegrues të vendit.
“Tani jemi në një moment të rrallë. I ashtuquajturi zotimi i Bled 2030,
Dhe thirrja e Komisionit për integrim deri në vitin 2029, krijojnë një përputhje unike me ciklin tonë politik të brendshëm. Nëse Maqedonia e Veriut mban zgjedhje të parakohshme këtë vit, hapim dritaren e parë katërvjeçare të reformave në dy dekada – Pa fushata. Pa shpërqendrime. Vetëm qeverisje. Vetëm rezultate. Në 20 vitet e fundit kemi pasur 14 zgjedhje – një çdo 17 muaj. Në mes? Bllokim. Ngërç. Vonesa. 2025 deri 2029 mund të jenë momenti ynë i çarjes – Për reformën kushtetuese. Për përparimin e kapitujve. Për konsolidimin institucional. Nuk është thjesht një mundësi. Mund të jetë dritarja jonë e fundit e konvergjencës”, tha mes tjerash Osmani.
