Aktivistja e njohur për të drejtat e personave me aftësi të kufizuara, znj. Rabije Umeri, i është bashkuar Bashkimit Demokratik për Integrim.
Lajmin e ka bërë të ditur Sekretari Organizativ i BDI-së, Blerim Bexheti, përmes një postimi në rrjetet sociale.
“Sot, aktivistja e mirënjohur e të drejtave të personave me aftësi të kufizuara nga Çairi znj. Rabije Umeri i’u bashkangjit Bashkimit Demokratik për Integrim,” shkroi Bexheti.
Ai gjithashtu theksoi se ky zhvillim është pjesë e një trendi të kthimit të disa votuesve që më herët kishin zgjedhur alternativa të tjera politike.
Znj. Umeri është e njohur për përfshirjen e saj aktive në çështjet sociale dhe angazhimin për të drejtat e grupeve të margjinalizuara.
