Kryetari i komunës së Kërçovës, Fatmir Dehari, me rastin e njëvjetorit të kalimit në amshim të komandantit të UÇK-së, Gani Imeri, ka theksuar se ai ishte burrë i çeliktë që ia kushtoi jetën lirisë së atdheut.
“Ai ishte simbol i qëndresës, i përkushtimit, i humanizmit dhe i dashurisë së pastër për vendin”, ka theksuar Dehari.
Postimi i plotë i tij:
Sot, në përvjetorin e parë të Komandant Gani Imerit – HERONJVE nuk u mbaron kurrë jeta!
U përkulëm me respekt para varrit të shokut tonë, Komandant Gani Imeri – burrit të çeliktë që ia kushtoi jetën lirisë së atdheut.
Ai ishte simbol i qëndresës, i përkushtimit, i humanizmit dhe i dashurisë së pastër për vendin.
Kujtimi për të mbetet i gjallë në zemrat tona, në çdo cep të tokës që ai ndihmoi ta çlirojmë, dhe në frymën që na udhëheq drejt një të ardhmeje më të drejtë dhe më të ndritur.
Në nder të jetës dhe veprës së tij, sot në komunën e Vushtrrisë u mbajt edhe një akademi përkujtimore, ku bashkë ndamë kujtime, nderim dhe mirënjohje për sakrificën e tij të pavdekshme.
Lavdi Komandantit!
Lavdi të gjithë dëshmorëve të kombit!