Me rastin e festës së madhe të krishterë të Ringjalljes së Krishtit – Pashkët, presidentja e shtetit, Gordana Siljanovska-Davkova, ka dërguar një urim për besimtarët dhe krerët e Kishave në vend – Kishës Ortodokse Maqedonase – Arqipeshkvia e Ohrit, Kishës Katolike dhe Kishës Ungjillore-Metodiste.
“Ringjallja e Krishtit, si shtyllë e fesë, le të jetë nxitje për solidaritet, mirësi dhe bashkim”, theksoi Siljanovska-Davkova, duke bërë thirrje për humanizëm dhe mbështetje të ndërsjellë, veçanërisht në një kohë kur vendi, siç tha ajo, është përballur me një tragjedi të paprecedentë.
Presidentja shprehu shpresën që Pashkët do të sjellin ngushëllim dhe shpresë, duke theksuar se kremtimi i sivjetshëm – i përbashkët për të gjithë të krishterët – është simbolik dhe ftesë për unitet dhe respekt të ndërsjellë.
Urimi është drejtuar kryepeshkopit Shkëlqesisë së Tij Stefan, ipeshkvit dr. Kiro Stojanov dhe kryetarit të përfaqësisë së Kishës Ungjillore-Metodiste, dr. Emil Zaev. (INA)
