Delegacioni i Ministrisë së Punëve të Brendshme të Maqedonisë së Veriut ka zhvilluar një vizitë zyrtare në Kosovë, por pa përfshirjen e zëvendësministrit shqiptar, Astrit Iseni. Kjo lënie jashtë ka ngritur pikëpyetje serioze për përfaqësimin e shqiptarëve në institucionet shtetërore.
Përjashtimi i një zyrtari të lartë shqiptar nga një vizitë në një vend si Kosova – me të cilën shqiptarët kanë lidhje të natyrshme historike dhe kombëtare – nuk është vetëm një veprim fyes, por edhe një tregues i qartë i trajtimit institucional që u bëhet përfaqësuesve shqiptarë. A janë shqiptarët në qeveri vetëm për zbukurim?
