Të dashur baballarë dhe bija,
Të dashur vëllezër dhe motra,
Të nderuar anëtarë të vlefshëm të komunitetit shqiptar,
Të nderuar të pranishëm,
Zonja dhe zotërinj.
Me mirënjohje të pamasë dhe respekt të thellë qëndroj sonte para jush, duke ju dëshiruar mirëseardhjen në një nga eventet më të bukura në repertoarin e pasur të komunitetit tonë, në natën kur do veçojmë Vallëzimin Babë dhe Bijë.
Në emër të shoqatës “Jehona e Malësisë”, si dhe në emrin tim personal, dëshiroj të shpreh mirënjohjen tonë të përzëmërt për secilin prej jush që na keni përkrahur në misionin tonë për të mbështetur dhe ndihmuar të gjithë ata që janë në nevojë, veçanarisht fëmijët tanë, themelin e së ardhmës sonë.
Sonte është një festë e unitetit, mirësisë dhe forcës së angazhimit tonë kolektiv.
Ne nuk jemi thjesht individë, por një komunitet I lidhur nga vlerat e përbashkëta, gjuha, gjaku dhe atdhedashuria, si dhe nga një qëllim I përbashkët për të bërë një ndryshim në jetën e njerëzve tanë, familjeve tona dhe bashkombasve tanë.
Dhe sonte, mund të them me krenari se, ne po e bëjmë ndryshimin!
Së pari, dua të përgëzoj Bordin Drejtues të shoqatës sonë për udhëheqjen e jashtëzakonshme dhe përkushtimin e palëkundur ndaj këtij qëllimi.
Pa përpjekjet e tyre dhe punën e palodhshme në organizimin dhe përgatitjen e çdo detaji për këtë event, asgjë nga kjo nuk do të ishte e mundur.
Vizioni, përkushtimi dhe pasioni I tyre për të ndihmuar komunitetin shqiptar kanë krijuar një mjedis ku ne mund të bashkohemi, të mbështesim njëri-tjetrin dhe të kontribuojmë si në lulëzimin e komunitetit tonë, ashtu edhe në zhvidhimin e vendlindjes sonë.
Jam krenar me të gjithë anëtarët e shoqatës sonë, të cilët udhëhiqën nga një kauzë e pastër kombëtare.
Shoqata “Jehona e Malësisë” përfaqëson një familje unike dhe është një privilegj I jashtëzakonshëm për mua që mund ta quaj veten pjesë të kësaj familjeje.
Një familje që lind, rritet dhe jeton me idealin e bashkimit kombëtar!
Siç është traditë tashmë çdo vit, ku veçojmë një apo dy çifte, këtë vit do të veçojmë dy çiftet më aktivë që kanë luajtur një rol kyç për të siguruar që çdo aspekt I këtij eventi të trajtohej me kujdes, nga planifikimi fillestar deri në hapat përmbyllës.
Ata ishin shtylla kurrizore e kësaj ngjarjeje, duke siguruar pjesën më të madhe të burimeve dhe mjetet tona të përdorën në mënyrë efikase dhe që ne t’I shërbejmë komunitetit në mënyrën më të mirë të mundshme.
Me krenari ju ftoj të gjithëve që këto dy çifte t’I përshëndesim me duartrokitje të ngrohtë të cilët janë Nua dhe Nora Dukaj si dhe Zef dhe Shaqe Berishaj.
Edhe pse plani ynë fillestar për të mbajtur këtë event në kishën e Shën Palit u anulua për disa arsye teknike dhe padëshirën tonë, ne vendosëm që organizimin ta bëjmë në këtë hapësirë të bukur këtu, por ne mendojmë se qëllimi I eventit tonë nuk mvaret nga vendndodhja, nga hapësira fizike apo nga një arsye tjetër teknike.
Ky event përfaqëson shumë më shumë.
Ky event simbolizon fuqinë e komunitetit.
Kur bashkohemi, ndodhin gjëra të mëdha.
Pikërisht përmes tubimeve, eventeve dhe bashkimeve si kjo e kësaj nate, ne mund të ndajmë ide, të nxisim lidhjet dhe të krijojmë një frymë atdhetare ku të gjithë ndihen të fuqizuar për të kontribuar për të mirën e përbashkët.
Është përmes ngjarjeve të tilla që ne rrisim ndërgjegjësimin, mbledhim fonde dhe më e rëndësishmja, rrisim shpresën!
Kjo na sjell në pjesën më të rëndësishme të misionit të kësaj nate.
Çdo qindarkë e mbledhur nga kjo ngjarje do të shkojë për të ndihmuar fëmijët me autizëm nga vendlindja, të cilët kanë nevojë për mbështetjen, dashurinë dhe përkushtimin tonë.
Kjo është mundësia jonë për t’u dhënë atyre një të ardhme më të ndritshme, një të ardhme të mbushur me mundësi dhe progres.
Për këtë gjë dua të falenderoj të gjithë ju-çdo vullnetar, çdo donator, çdo person që ka kontribuar që ky event të dalë me sukses.
Bujaria juaj, koha dhe energjia juaj janë pikërisht arsyet që e kanë bërë të mundur gjithë këtë.
Ju po e nderoni kombin tuaj, dhe për këtë, ne jemi thellësisht mirënjohës!
Dear brothers and sisters, dear parents, dear children, your presence has graced this event.
Let us continue to work together to build a stronger, more compassionate community.
Let us remember that when we support one another, we are not just helping individuals- we are building a better future for all of us.
Together, we can make a world of difference, and today, we have already taken an important step toward that goal.
Faleminderit edhe një herë për mirësinë, përkushtimin dhe mbështetjen tuaj.
Le të vazhdojmë të punojmë në këtë frymë uniteti drejt përmbushjes dhe realizimit të të gjitha aspiratave tona kombëtare.
Meqenëse jemi në prag të festës së madhe të Fitër Bajramit, ju dërgoj urimet më të përzemërta dhe më të ngrohta të gjithë vëllezërve dhe motrave të besimit islam.
Bajram dhe Pashkë – festojmë bashkë, tani dhe përgjithmonë!
Rrnoftë komuniteti ynë, rrnoftë Malësia, rrnoftë Shqipëria dhe I gjithë kombi shqipëtar.