Shoqata “Jehona e Malësisë” mbrëmë ka organizuar për të dytën herë me radhe eventin Mbrëmje Vallëzimi për Babë e Bijë”, një ndër eventet më të bukura të komunitetit shqiptarë në Shba.
Në këtë eveniment kanë marë pjesë numër rekord i shqiptarëve në Michigan .
Me këtë rast kryetari i Shoqatës ” Jehona e Malësisë” , Agron Dedivanaj ka shprehur mirënjohje për gjithë ata që morën pjesë në këtë event duke theksuar se së bashku, ia arritëm qëllimit dhe së shpejti do të ndajmë me ju shumën rekord-thyese të donacioneve të mbledhura për këtë kauzë të vlefshme.
Fondet e mbledhura nga ky eveniment do të dedikohen për fëmijët me nevoja të veçanta në Malësi.
“Të shohësh rininë tonë, bijat tona, mbesat tona, motrat tona, duke kënduar dhe vallëzuar me këngë dhe valle autentike shqiptare, ishte vërtet madhështore, dhe kjo gjë na bën jashtëzakonisht krenarë dhe na motivon që të punojmë vazhdimisht për çështjen kombëtare. Ajo që e bëri edhe më mbresëlënës eventin tonë ishte aspekti humanitar i komunitetit tonë, ku për një kauzë të shenjtë kishim donatorë nga të gjitha trevat ku jetojnë bashkëkombasit tanë në SHBA”- ka shkruar Dedivanaj.
Të dashur bashkatdhetarë,
Kam kënaqësinë t’ju informoj se mbrëmë organizuam me sukses edhe një nga eventet më të bukura ndonjëherë në komunitetin tonë shqiptar në SHBA. Vallëzimi Babë dhe Bijë, i cili tejkaloi plotësisht edhe pritshmëritë tona, dëshmoi edhe një herë madhështinë dhe unitetin e komunitetit shqiptar në Miçigan. Një numër rekord i të pranishmëve për evente të kësaj natyre dhe një numër rekord i donatorëve dëshmuan celebrimin e gjuhës, kulturës, kombit, si dhe vlerave më të mira shqiptare, por edhe zemërgjerësinë e tyre duke ndihmuar fëmijët me nevoja të veçanta në Malësi. Në një frymë festive dhe atdhetare, ne demonstruam thellësinë e identitetit shqiptar në komunitetin tonë dhe konfirmuam angazhimin tonë të qartë drejt promovimit të unitetit dhe idealit të bashkimit kombëtar!
Të shohësh rininë tonë, bijat tona, mbesat tona, motrat tona, duke kënduar dhe vallëzuar me këngë dhe valle autentike shqiptare, ishte vërtet madhështore, dhe kjo gjë na bën jashtëzakonisht krenarë dhe na motivon që të punojmë vazhdimisht për çështjen kombëtare. Ajo që e bëri edhe më mbresëlënës eventin tonë ishte aspekti humanitar i komunitetit tonë, ku për një kauzë të shenjtë kishim donatorë nga të gjitha trevat ku jetojnë bashkëkombasit tanë në SHBA.
Ne duam të shprehim mirënjohjen tonë më të thellë për të gjithë ata që morën pjesë në këtë event. Së bashku, ia arritëm qëllimit dhe së shpejti do të ndajmë me ju shumën rekord-thyese të donacioneve të mbledhura për këtë kauzë të vlefshme. Fondet do të dedikohen ekskluzivisht për mbështetjen e fëmijëve me nevoja të veçanta në Malësi, me synim për t’u ofruar atyre kujdesin dhe ndihmën që meritojnë. Fëmijët tanë – e ardhmja jonë – do të kenë gjithmonë mbështetjen tonë gjithëpërfshirëse!
Faleminderit që jeni bërë pjesë e historisë sonë të lavdishme!
Me respekt të madh,
Shoqata “Jehona e Malësisë”
